آٹومکینیکا دبئی 2025 میں پاکستان کی آٹوموٹیو صلاحیت نمایاں
آٹومکینیکا دبئی 2025 میں پاکستان کی آٹوموٹیو انڈسٹری بھرپور انداز میں سامنے آئی، جہاں پاکستانی کمپنیاں بین الاقوامی مارکیٹ میں اپنی موجودگی مضبوط بنانے کے لیے فعال کردار ادا کر رہی ہیں۔ یہ ایونٹ مشرقِ وسطیٰ اور افریقہ (MEA) کا سب سے بڑا آٹوموٹیو ٹریڈ ایونٹ ہے جو دبئی ورلڈ ٹریڈ سینٹر (DWTC) میں جاری ہے۔
دنیا بھر سے 2,400 نمائش کنندگان کی شرکت
اس سال تقریباً 60 ممالک کے 2,400 سے زائد نمائش کنندگان اپنی پروڈکٹس متعارف کرا رہے ہیں، جن میں شامل ہیں:
- آٹوموٹیو پارٹس
- ٹائرز، بیٹریاں اور لبریکنٹس
- ریڈی ایٹرز اور الیکٹرانکس
- ڈائگنوسٹکس اور مکینیکل ٹیکنالوجیز
- باڈی اینڈ پینٹ سسٹمز
- لائٹنگ، کار ایکسیسریز
- الیکٹرک اور ہائبرڈ وہیکل ٹیکنالوجیز
نمائش میں 50,000 سے زائد بین الاقوامی وزیٹرز اور خریداروں کی شرکت متوقع ہے۔
TDAP کی معاونت سے 9 پاکستانی کمپنیاں شریک
ٹریڈ ڈیولپمنٹ اتھارٹی آف پاکستان (TDAP) کی معاونت سے اس سال 9 پاکستانی کمپنیاں اپنی مصنوعات کی نمائندگی کر رہی ہیں، جو آٹوموٹیو پارٹس کے شعبے میں پاکستانی انڈسٹری کی صلاحیت اور معیار کو عالمی سطح پر اجاگر کر رہی ہیں۔
پاکستان پویلین کا افتتاح قونصل جنرل حسین محمد نے کیا
پاکستان پویلین کا افتتاح قونصل جنرل پاکستان دبئی، جناب حسین محمد نے کیا۔ اس موقع پر انہوں نے پاکستانی کمپنیوں کی پیش رفت کو سراہتے ہوئے کہا:
“آٹومکینیکا جیسے عالمی پلیٹ فارم پر پاکستان کی مستقل شمولیت اس بات کا ثبوت ہے کہ ہمارا آٹوموٹیو سیکٹر نئی بین الاقوامی منڈیوں تک رسائی کے لیے پُرعزم ہے۔ یہ نمائش پاکستانی ایکسپورٹرز کے لیے بہترین مواقع فراہم کرتی ہے۔”
انہوں نے مزید کہا کہ:
“پاکستان خلیج، مشرقِ وسطیٰ اور افریقہ کی ابھرتی ہوئی آٹوموٹیو مارکیٹس کو ہدف بنا کر اپنی برآمدات میں خاطر خواہ اضافہ کر سکتا ہے۔”
ٹرید اینڈ انویسٹمنٹ کونسلر جناب علی زیب خان کی موجودگی
افتتاحی تقریب میں ٹرید اینڈ انویسٹمنٹ کونسلر جناب علی زیب خان بھی موجود تھے۔ انہوں نے اس عزم کا اظہار کیا کہ پاکستانی مصنوعات کو عالمی منڈیوں میں مزید فروغ دیا جائے گا۔
“ہماری ترجیح پاکستانی برآمد کنندگان کے لیے نئے بزنس مواقع پیدا کرنا ہے اور انہیں ایسی بین الاقوامی نمائشوں میں بھرپور سپورٹ دینا ہے۔”
آٹومکینیکا دبئی 2025 میں پاکستان کی کامیاب شمولیت نہ صرف ملکی آٹوموٹیو مصنوعات کے معیار کی عکاس ہے بلکہ مستقبل میں پاکستان کی عالمی تجارتی پوزیشن کو مزید مضبوط بنانے میں اہم کردار ادا کرے گی۔