ابوظہبی (21 مئی 2025) — ڈیزرٹ وائپرز کے چیف ایگزیکٹو آفیسر (CEO) فل اولیور کو ابوظہبی میں منعقدہ باوقار SPIA اسپورٹس انڈسٹری ایوارڈز میں مڈل ایسٹ اسپورٹس سی ای او آف دی ایئر کے ایوارڈ سے نوازا گیا۔ یہ تقریب 20 مئی کو Space 32 میں منعقد ہوئی، جس کا اہتمام اسپورٹ 360X اور انٹریکٹ نے مشترکہ طور پر کیا تھا۔
فل اولیور کی قیادت میں ڈیزرٹ وائپرز نہ صرف کرکٹ کی دنیا میں نمایاں ٹیم بنی، بلکہ سماجی اور ماحولیاتی بہتری کے لیے ایک عالمی مثال بھی قائم کی۔
ماحولیاتی اقدامات میں پہلی کرکٹ ٹیم:
-
مکمل طور پر ری سائیکل مواد سے بنے کٹس کا استعمال
-
پلاسٹک فری ٹیم آپریشنز
-
کاربن فٹ پرنٹ اور پلاسٹک امپیکٹ رپورٹس کی اشاعت
-
سستین ایبلٹی میچ کے انعقاد کے ذریعے ماحولیاتی شعور اجاگر کرنا
کمیونٹی ڈیولپمنٹ میں انقلابی اقدامات:
-
متحدہ عرب امارات کی پہلی مکمل اسپانسرڈ گرلز کرکٹ ٹیم، جو 2025 R66T Dubai Cup کی فاتح بنی
-
Desert Vipers Schools Programme کے ذریعے 12,000 طلبا کو کرکٹ، قیادت، اور صحت مند طرزِ زندگی کی تربیت
اس موقع پر فل اولیور کا کہنا تھا:
“یہ ایوارڈ میرے لیے اعزاز کی بات ہے۔ ڈیزرٹ وائپرز کی ٹیم اور ہمارے تمام پارٹنرز کا شکریہ جنہوں نے ہمارے وژن کو حقیقت بنایا۔ ہم کھیل کے ذریعے پائیدار ترقی اور معاشرتی بہتری کی راہ پر گامزن ہیں۔”
ڈیزرٹ وائپرز کی پشت پناہی Lancer Capital کر رہا ہے، جو معروف سرمایہ کار ایورام گلیزر کی زیرِ قیادت NFL ٹیم Tampa Bay Buccaneers اور مانچسٹر یونائیٹڈ میں بھی شراکت دار ہے۔