دبئی میں "ایمیرٹس لگژری شو - ایٹرنل رن وے" کا شاندار آغاز، عالمی فیشن انڈسٹری کی نئی پہچان

 

دبئی (21 مئی 2025): ایمیرٹس ہولڈنگ گروپ دبئی اور انڈیا کی معروف فیشن کمپنی MOVe (موڈا اوراما) نے دبئی میں ایک منفرد اور عالمی سطح کا فیشن ایونٹ "ایٹرنل رن وے" لانچ کر دیا ہے، جو 4 جولائی 2025 کو میریٹ الجداف ہوٹل دبئی میں منعقد ہوگا۔ اس عظیم فیشن شو کو "Emirates Luxury Show" کے بینر تلے پیش کیا جا رہا ہے، جو کہ دبئی کو فیشن کی عالمی منزل بنانے کی جانب ایک اور اہم قدم ہے۔

عالمی فیشن کے لیے دبئی کا دروازہ کھل گیا

ایٹرنل رن وے ایک نیا پلیٹ فارم ہے جو انڈیا اور مشرق وسطیٰ کے درمیان تخلیقی تعلقات کو فروغ دے گا۔ اس میں انٹرنیشنل سیلیبرٹی ڈیزائنرز کے ساتھ ساتھ انڈیا کے ابھرتے ہوئے ٹیلنٹ کو بھی موقع دیا جائے گا کہ وہ فیشن انڈسٹری کے بڑے ناموں، میڈیا، خریداروں اور انفلوئنسرز کے سامنے اپنی تخلیقات پیش کریں۔

 

نمایاں شرکاء اور مشہور چہرے

• شو کی ہدایتکاری مشہور فیشن ڈائریکٹر شاکر شیخ کریں گے۔
• معروف ڈیزائنرز جیسے کین فرنز، شاون کمار اور سام (برانڈ: Mirror of Magazine) دبئی کے لیے خصوصی کلیکشن پیش کریں گے۔
• ریمپ پر جلوہ گر ہونے والے شوبز ستاروں میں ٹیرنس لیوس، شبیانہ کشیپ، نیرا بنرجی، میگھنا نائدو، شیو پوری ریتو، ایجاز خان اور دیگر شامل ہوں گے۔

مستقبل کی جھلک – عالمی ٹور کا آغاز

ایٹرنل رن وے دبئی کے بعد مشرق وسطیٰ اور یورپ کے دیگر بڑے شہروں میں بھی منعقد ہوگا، جن میں عمان، سعودی عرب، قطر، کویت، اردن، کینز اور میلان شامل ہیں۔

نوجوان ماڈلز کے لیے تربیتی اکیڈمی کا قیام

اس ایونٹ کے ذریعے دبئی میں ایک ماڈل گرومنگ اکیڈمی بھی قائم کی جائے گی، جو نوجوانوں کو بین الاقوامی معیار کی تربیت فراہم کرے گی۔

اسی شام: ایمیرٹس رئیل اسٹیٹ ایوارڈز 2025 بھی ہوں گے منعقد

اسی شام "Emirates Real Estate Awards 2025" بھی منعقد ہوں گے، جس میں انڈیا اور دبئی کے نمایاں ڈویلپرز، ایجنٹس اور لیڈرز کو انعامات دیے جائیں گے۔
ایوارڈ کیٹیگریز میں شامل ہیں:

• سال کے بہترین رئیل اسٹیٹ ڈویلپر
• بہترین رہائشی و کمرشل منصوبے
• خواتین لیڈرشپ ایوارڈ
• گرین ڈویلپمنٹ ایوارڈ

اس موقع پر ایک سیلیبریٹی فیشن شو بھی ہوگا جو رئیل اسٹیٹ اور لگژری فیشن کو یکجا کرے گا۔

شاہی مہمانوں کی شرکت

ایونٹ کی پریس کانفرنس میں H.H. شیخہ عائشہ بنت سعود القاسمی نے شرکت کی اور آرگنائزرز کے وژن کو سراہا۔ وہ 4 جولائی کے مین ایونٹ میں بھی مہمانِ خصوصی ہوں گی