📰محکمہ بہبود آبادی سندہ میں اربوں روپے کی مبینہ کرپشن، اختیارات کا ناجائز استعمال، اور جعلی ترقیاں، پیپلز ٹی وی پاکستان نے بھانڈا پھوڑ دیا

 

کراچی (خصوصی رپورٹ، ظہور احمد سروہی) محکمہ پاپولیشن ویلفیئر سندھ میں مالی بے ضابطگیوں اور انتظامی کرپشن کے سنگین الزامات سامنے آ گئے ہیں۔ ذرائع کے مطابق، پیپلز ٹی وی پاکستان نے کروڑوں روپے کی کرپشن کے ثبوت حاصل کر لیے ہیں، جنہوں نے حکومتی مالیات اور شفافیت پر گہرے سوالات کھڑے کر دیے ہیں۔

🔎 غیر قانونی اختیارات: گریڈ 17 افسر کے پاس چار ڈی ڈی او پاور

تحقیقات سے پتا چلا ہے کہ گریڈ 17 کے افسر سرفراز لغاری کے پاس چار مختلف ڈی ڈی اوز (Drawing and Disbursing Officers) کے اختیارات ہیں، حالانکہ یہ اختیار قانونی طور پر گریڈ 19 کے افسران کے لیے مخصوص ہے۔ یہ اختیارات بغیر کسی قانونی جواز کے تفویض کیے گئے، جس سے واضح ہوتا ہے کہ محکمہ میں پاور کنسنٹریشن اور اقربا پروری کا راج ہے۔

💸 ناقابلِ یقین بجٹ: جھاڑو، چائے اور فیول کے نام پر اربوں روپے 

• سیکریٹری آفس کا سالانہ فیول خرچ 14 کروڑ 50 لاکھ روپے بتایا گیا ہے۔
• 90 کروڑ روپے سے زائد کا سالانہ اخراجات ریکارڈ میں ظاہر کیا گیا، جس میں جھاڑو، چائے، بسکٹ، اسٹیشنری جیسے اخراجات بھی شامل ہیں۔
• سیکریٹری آفس کی اسٹیشنری پر سالانہ 95 لاکھ 69 ہزار روپے خرچ دکھایا گیا ہے۔
• ڈائریکٹر پاپولیشن کی گاڑیوں کا سالانہ فیول خرچ: 89 لاکھ 98 ہزار روپے 
• جنریٹر کے سالانہ اخراجات (سیکریٹری اور ڈائریکٹر دونوں کے): 16 لاکھ 52 ہزار روپے فی افسر

🏢 سرکاری بلڈنگ کے باوجود پرائیویٹ بلڈنگ میں سیکریٹریٹ 

محکمہ کے پاس اپنی بلڈنگ موجود ہونے کے باوجود سیکریٹریٹ کو گورا قبرستان کے سامنے واقع پرائیویٹ عمارت میں منتقل کیا گیا، جس کا سالانہ کرایہ 1 کروڑ 39 لاکھ روپے ظاہر کیا گیا۔ حیرت کی بات یہ ہے کہ ڈائریکٹر آفس (جو اسی فلور پر موجود ہے) کا الگ سے 1 کروڑ 77 لاکھ 33 ہزار روپے کرایہ ریکارڈ میں شامل ہے۔ 

 

 

 📉 سندھ کے 29 اضلاع کا بجٹ کم، سیکریٹری اور ڈائریکٹر کا بجٹ زیادہ

ذرائع کا کہنا ہے کہ پورے سندھ کے 29 اضلاع کا مجموعی بجٹ ایک طرف، جبکہ سیکریٹری اور ڈائریکٹر پاپولیشن ویلفیئر کے دفاتر کا بجٹ ان تمام اضلاع سے زیادہ ہے، جو کہ سنگین بدانتظامی کی علامت ہے۔ 

🚨 سرفراز لغاری: گریڈ 7 سے بجٹ آفیسر گریڈ 17 تک جعلی ترقی 

ذرائع کے مطابق، سرفراز لغاری کو گریڈ 7 میں اسٹور کیپر بھرتی کیا گیا تھا، مگر افسران کی مبینہ ملی بھگت سے جعلی ترقی دے کر گزشتہ 20 سال سے بجٹ آفیسر کے طور پر خدمات انجام دے رہے ہیں۔ ان پر الزام ہے کہ انہوں نے اپنے اختیارات کا استعمال کرتے ہوئے کروڑوں روپے کی کرپشن کی۔ 

 ✊ ایپکا کا شدید احتجاج: کرپشن، زیادتیوں اور ناانصافیوں کے خلاف آواز بلند

 کراچی پریس کلب کے سامنے آل پاکستان کلرک ایسوسی ایشن (ایپکا) کی قیادت میں پاپولیشن ڈیپارٹمنٹ کے ملازمین کا بھرپور احتجاج دیکھنے میں آیا۔ مظاہرین نے پلے کارڈز اٹھا کر سرفراز لغاری کی برطرفی، کرپشن کی تحقیقات اور ملازمین کے مسائل کے حل کا مطالبہ کیا۔

احتجاج میں شامل رہنما:

• عبدالقدوس شیخ (چیئرمین ایپکا) 
• مرسلین شاہ (صدر)
• قدیر حسین (جنرل سیکریٹری)
• سیّد ذوالفقار شاہ، حسین شاہ، سیّد رضوان علی شاہ و دیگر

• 
  
  

 🛑 ایپکا کے مطالبات:

1. کرپٹ بجٹ آفیسر سرفراز لغاری کو فوری ہٹایا جائے اور شفاف تحقیقات کی جائیں
2. چارٹر آف ڈیمانڈ پر فوری عملدرآمد
3. ٹائم اسکیل، اپگریڈیشن، پروموشنز، کنٹریکٹ ملازمین کی مستقلی
4. سوشل میل موبلائزرز کے گریڈز کی بحالی20 سال سے ایک ہی سیٹ پر بیٹھے افسران کے تبادلے کیے جائیں   

⚠️ ایپکا کا انتباہ:

رہنماؤں نے انتباہ دیا کہ اگر حکومت نے فوری ایکشن نہ لیا تو احتجاج کا دائرہ مزید وسیع کیا جائے گا، اور آئینی، قانونی اور جمہوری راستہ اختیار کرتے ہوئے تحریک کو آگے بڑھایا جائے گا۔