11 اگست کو میگا میوزیکل شو اور آتش بازی کا اہتمام، شہر کی تاریخی تقریب بننے جا رہی ہے
کراچی (پ ر) ٹاؤن میونسپل کارپوریشن گڈاپ میں ''معرکہ حق'' جشنِ آزادی پاکستان 2025 کے عنوان سے شاندار تقریبات کا سلسلہ یکم اگست سے زور و شور سے جاری ہے۔ ان تقریبات کی قیادت چیئرمین طارق عزیز بلوچ، وائس چیئرمین جام محمد جوکھیو اور میونسپل کمشنر احمد یار کر رہے ہیں۔
جشن آزادی کے سلسلے میں گڈاپ ٹاؤن کے مرکزی اور کیمپ آفس کو برقی قمقموں سے دلہن کی طرح سجایا گیا ہے، جبکہ تقریبات میں حب الوطنی سے بھرپور ریلیاں، فٹبال میچز، ملی نغمے، اور شعور بیداری پر مبنی سرگرمیاں شامل ہیں۔
میگا میوزیکل شو 11 اگست کو
11 اگست کو کیمپ آفس TMC گڈاپ (نزد ڈی سی ایسٹ آفس کراچی) میں ایک شاندار میگا میوزیکل شو اور دیدہ زیب آتش بازی کا اہتمام کیا جائے گا، جسے شہر کی یادگار تقریبات میں شمار کیا جا رہا ہے۔
اس تقریب کے آرگنائزر ڈائریکٹر پراپرٹی سہیل یار خان ہیں، جن کی نگرانی میں یہ پروگرام نہایت منظم انداز سے ترتیب دیے جا رہے ہیں۔
چیئرمین طارق عزیز بلوچ کا پیغام
چیئرمین طارق عزیز بلوچ نے اپنے پیغام میں کہا کہ جشنِ آزادی ہمیں ان عظیم قربانیوں کی یاد دلاتا ہے جن کی بدولت ہمیں یہ آزاد وطن ملا۔ معرکہ حق کے تحت ان تقریبات کا مقصد نوجوان نسل میں حب الوطنی، اتحاد اور یکجہتی کے جذبات کو فروغ دینا ہے۔
جام محمد جوکھیو: یہ قومی شناخت کی علامت ہے
وائس چیئرمین جام محمد جوکھیو نے کہا کہ معرکہ حق صرف تقریبات کا نام نہیں بلکہ یہ ہماری قومی شناخت اور نظریاتی وابستگی کی علامت ہے۔ ہم نے ان پروگرامز کے ذریعے عوام کو ایک پلیٹ فارم مہیا کیا ہے جہاں وہ آزادی کی قدر کو جان سکیں۔
احمد یار: تقریبات شعور اور یکجہتی کی عملی مثال
میونسپل کمشنر احمد یار نے کہا کہ یہ تقریبات صرف تفریحی نہیں بلکہ شعور بیداری اور قومی یکجہتی کی عملی مثال ہیں۔ گڈاپ ٹاؤن انتظامیہ نے عوام کی خوشیوں کو دوگنا کرنے کے لیے بہترین انتظامات کیے ہیں۔
انہوں نے مزید کہا کہ 11 اگست کا میگا شو ایک یادگار اور تاریخی تقریب ہوگی، جس میں عوام اپنے اہلِ خانہ کے ساتھ بھرپور شرکت کریں اور قومی پرچم کے ساتھ اس عزم کی تجدید کریں کہ پاکستان کی ترقی اور خوشحالی میں ہر ممکن کردار ادا کریں گے۔