سرسید یونیورسٹی کی ویمنز ٹینس ٹیم کا 35ویں نیشنل گیمز میں شاندار کارنامہ
سرسید یونیورسٹی آف انجینئرنگ اینڈ ٹیکنالوجی، مین یونیورسٹی روڈ
کراچی | 15 دسمبر 2025
کراچی | 15 دسمبر 2025
ایچ ای سی ویمنز ٹینس کھلاڑیوں شمزا ناز دوراب اور راحت العین نے 35ویں نیشنل گیمز 2025 کے انفرادی ٹینس ڈبلز مقابلوں میں شاندار کارکردگی کا مظاہرہ کرتے ہوئے کانسی کا تمغہ اپنے نام کر لیا۔ یہ کامیابی نہ صرف یونیورسٹی بلکہ خواتین کے کھیلوں کے فروغ کی جانب ایک اہم پیش رفت ہے۔
اس موقع پر سرسید یونیورسٹی آف انجینئرنگ اینڈ ٹیکنالوجی کے ڈائریکٹر اسپورٹس نعمان الدین نے ٹیم مینیجر کے فرائض انجام دیے اور کھلاڑیوں کی بھرپور حوصلہ افزائی کی۔
“یہ کامیابی خواتین کے کھیلوں میں ایک نمایاں سنگِ میل ہے۔ ہم ایک نئے دور میں داخل ہو چکے ہیں جہاں خواتین کھلاڑی ہر رکاوٹ کو عبور کر رہی ہیں اور یہ ثابت کر رہی ہیں کہ صلاحیت صنفی امتیاز سے بالاتر ہے۔” — محمد اکبر علی خان، چانسلر سرسید یونیورسٹی
چانسلر سرسید یونیورسٹی محمد اکبر علی خان نے ٹیم کی شاندار کامیابی کو سراہتے ہوئے کہا کہ خواتین کھلاڑیوں کی صلاحیت، لگن اور عزم مستقبل میں مزید نمایاں کامیابیوں کی نوید ہے۔ انہوں نے کہا کہ ہر شعبے میں خواتین کی شمولیت اور کارکردگی کو نظر انداز نہیں کیا جا سکتا۔