چیئرمین ماڑی پور ٹاؤن ہمایوں محمد خان کی زیرِ صدارت اجلاس گرجا گھروں کے اطراف صفائی، روشنی اور سہولیات یقینی بنانے کی ہدایات
ماڑی پور ٹاؤن کے چیئرمین ہمایوں محمد خان نے کرسمس کی تیاریوں کے سلسلے میں اپنے دفتر میں ایک اہم اجلاس کی صدارت کی۔ اجلاس میں میونسپل کمشنر جاوید قمر، تمام اراکینِ کونسل، وائس چیئرمینز اور متعلقہ محکموں کے افسران نے شرکت کی۔
اجلاس کے دوران چیئرمین ہمایوں محمد خان نے متعلقہ افسران کو ہدایت جاری کی کہ ماڑی پور ٹاؤن میں واقع تمام گرجا گھروں کے اطراف بہترین صفائی کے انتظامات کیے جائیں اور گلیوں و سڑکوں پر اسٹریٹ لائٹس کی فراہمی کو ہر صورت یقینی بنایا جائے تاکہ کرسمس کے موقع پر مسیحی برادری کو کسی قسم کی پریشانی کا سامنا نہ کرنا پڑے۔
— چیئرمین ماڑی پور ٹاؤن ہمایوں محمد خان
چیئرمین نے مزید ہدایت دی کہ تمام وائس چیئرمینز اور متعلقہ افسران اپنے اپنے علاقوں میں موجود گرجا گھروں کے پادریوں اور منتظمین سے براہِ راست رابطہ رکھیں، انہیں آن بورڈ لیں اور ان کے مسائل فوری طور پر حل کروائیں۔
اس موقع پر میونسپل کمشنر جاوید قمر کو خصوصی طور پر ہدایت کی گئی کہ وہ تمام گرجا گھروں کے پادریوں اور منتظمین سے خود بھی مسلسل رابطے میں رہیں اور کرسمس سے قبل تمام بلدیاتی مسائل کے حل کو یقینی بنائیں۔
— ہمایوں محمد خان
چیئرمین ماڑی پور ٹاؤن نے اجلاس کے اختتام پر تمام اراکینِ کونسل، وائس چیئرمینز اور افسران کو ہدایت کی کہ وہ مسیحی برادری کے نمائندوں سے ملاقات کریں، شکایات سنیں اور فوری ازالہ کریں تاکہ کرسمس کا تہوار مکمل امن، خوشی اور شایانِ شان انداز میں منایا جا سکے۔
اجلاس میں اس عزم کا اعادہ کیا گیا کہ ماڑی پور ٹاؤن انتظامیہ مذہبی ہم آہنگی، برداشت اور اقلیتوں کے حقوق کے تحفظ کے لیے ہر ممکن اقدامات جاری رکھے گی۔