ٹوئنکل کھنہ اور کاجول کا حیران کن انکشاف
بالی ووڈ کی معروف اداکارہ ٹوئنکل کھنہ نے اپنے شو میں ایک حیران کن انکشاف کیا کہ شادی سے قبل وہ اور اداکارہ کاجول ایک ہی مرد سے تعلقات میں تھیں۔ یہ انکشاف دونوں اداکاراؤں کے درمیان ہنسی مذاق اور خوشگوار گفتگو کے دوران سامنے آیا۔
"میرے لیے دوست کسی بھی مرد سے زیادہ اہم ہیں… مرد تو کہیں بھی مل سکتا ہے!"
گفتگو کے دوران ٹوئنکل کھنہ نے سوال اٹھایا کہ کیا قریبی دوست ایک دوسرے کے سابق دوستوں کے ساتھ ڈیٹ کر سکتے ہیں؟ اسی دوران انہوں نے غیر ارادی طور پر اعتراف کیا کہ ان دونوں کا ایک ہی سابق دوست تھا۔ کاجول نے ہنستے ہوئے انہیں خاموش رہنے کی درخواست کی، مگر انکشاف ہوچکا تھا۔
"ہم دونوں کا ایک ہی سابق دوست تھا… اوہ! کاجول کہہ رہی ہے کہ میں یہ نہ بتاؤں!"
اس واقعے کے بعد نہ صرف شو کا ماحول حیرانی میں بدل گیا بلکہ سوشل میڈیا پر بھی یہ کلپ وائرل ہوگیا اور بحث چھڑ گئی۔
مزید گفتگو کے دوران ٹوئنکل نے مزاحیہ انداز میں پوچھا کہ کیا شادی کی کوئی مدت طے ہونی چاہیے جس کے بعد اس کی تجدید ہو؟
"شادی بھی لائسنس کی طرح ہو… مدت پوری ہو تو فیصلہ کریں کہ تجدید کرنی ہے یا نہیں!"
کاجول نے اس پر اتفاق کرتے ہوئے کہا:
"صحیح وقت پر صحیح شخص ملنے کی ضمانت نہیں۔ اس لیے تعلقات کے لیے دوسری فرصت ہونا چاہیے۔"
اس دلچسپ گفتگو نے نہ صرف مداحوں میں دلچسپی پیدا کی بلکہ شوبز انڈسٹری میں بھی ایک نئی بحث کو جنم دے دیا۔